登臺 – Hotel Stage | 藝術風味濃厚的香港新酒店

經常同大家報導外國地方既新酒店，今日就返翻黎香港，同大家講下香港既消息。位於油麻地最近就開了一間新精品酒店，名字叫 登臺 Hotel Stage，酒店好多地方既設計都融入了不少藝術元素，設計簡約時尚，讓住客在繁華鬧市中感受一片寧靜。各文青如需要找個靜靜既地方休息，或想租間房尋找創作靈感，這間酒店絕對是個不錯的選擇。

官網照片：

佐敦一帶嘅酒店好多遊客都好鍾意住，貪佢交通方便夠晒就腳，但要喺競爭對手入面突出自己，除咗服務好之外都要花啲心思。費清近排送個外國朋友返酒店嘅時候，發現由大堂到客房有好多唔同嘅藝術作品，唔少仲一眼就得出係香港啲本土嘢，喂又話香港係文化沙漠嘅？

未入門口喺停車場已經有嘢睇，原來泊車嘅地方擺咗好多用木造長櫈，仲有一棵睇落好Raw嘅木頭樹模型。原來所有木材全部都係果欄爛咗唔要嘅木卡板，藝術家王天仁特登收集嚟整咗個迷你「榕樹頭」，等住客搶閘感受吓油尖旺區嘅社區氣息。

唔止出面有樹，喺Reception後面亦都畫咗一棵樹，仲係香港周街都會見到嘅細葉榕。藝術家鄭哈雷特登揀咗一棵種喺柯士甸路邊嘅細葉榕畫成牆畫，將條街同酒店融為一體。

酒店地庫係一間酒吧，但旁邊特別間出大片空間作為展覽廳，可以畀藝術家舉行唔同嘅展覽。

除咗公共空間，酒店房入面都有藝術品。現時酒店5樓同7樓都同藝術家合作，好似7樓嘅每間客房牆上都有一幅牆畫，由藝術家鄺萬春以一張台兩張櫈連繫香港唔同地方，好似百老匯電影中心茶座、美都茶餐廳咁。

5樓嘅房係非一般客房，叫做「Space Studio」，入面咩傢俬都冇，可以按租客嘅心意舉辦唔同嘅活動。每間房嘅天花就掛有藝術家阮家儀嘅裝置藝術「城市」，用當年撐起香港經濟嘅鐘錶、電子、塑膠等唔同產品或者組件砌成，就咁睇好似平平無奇，但如果一打燈，就會喺牆上投映出香港天際線。
呢間咁有文化氣息嘅酒店叫Hotel Stage，幾年前被收購改建，舊年年底先完成裝修，而家仲係試業階段。酒店總經理熊運恆同費清講，油尖旺區附近有好多本地歷史文化同故事，酒店叫做「Stage」係想成為一個平台，令遊客可以透過唔同藝術作品更深入認識香港。

– The Pottinger Hotel – 糅合中西韻味，氣質出眾的中環石板街酒店

– 香港唯港薈 Hotel Icon 酒店 – 一次好滿意又舒適的入住體驗

– 香港美麗華酒店 (The Mira Hotel) 入住體驗

– 【香港住宿推介】香港帝苑酒店 Royal Garden – 高級房介紹編

– 尖沙咀凱悅酒店 – K11 商場之上，尖沙咀的高級住宿

– 【香港酒店推薦】港島英迪格酒店 Hotel Indigo Hong Kong – 隠身在灣仔鬧市中、懸空玻璃底游泳池的時尚酒店