日本札幌十大人气夜甜点_旅行资讯_很惠游

北海道札幌有种新兴饮食文化叫「缔めパフェ」（Shime Parfait），当地人晚饭后会去啲充满轻松治癒气氛环境嘅餐厅或酒吧，该处兼卖特色芭菲及其他甜品，饮返杯兼食个芭菲嘅续摊聚会，类似香港人晚饭后去饮嘢食甜品做宵夜；今期精选介绍 10 家札幌人气夜之甜点，大家约埋一班好姐妹或三五知己夜游札幌，齐齐 chill 一 chill 又 sweet 一 sweet。

01｜当地人热捧！自制鲜忌廉芭菲

要介绍地道札幌深夜甜品屋，一定唔少得极受当地人推荐嘅ぴーぷる・ぴーぷ！门面好低调，一不留神行过咗都唔知。芭菲雪糕底使用 fresh cream 制成，系店主每日以超过 5 小时去制作，真系啖啖心机作嚟！畅销品系 Cream Cheese 芭菲及朱古力芭菲，亦有季节期间限定口味，经常火速售罄，而且没得 book 位，要食就趁早去呀。（图：uuu.san、お茶の间 Sweets@IG）

ぴーぷる・ぴーぷ（Pipurupipu）

地址：北海道札幌市中央区南四条西 6 1F・B1F

电话：+81 (0)11 231 8052（不可预约）

营业时间：星期一至六 7:15pm – 12mn（12mn 前入内仍可 order）

交通：札幌市营地下铁南北线薄野（すすきの）站徒步约 5 分钟

02｜法式田园风！超人气苹果合桃芭菲

FAbULOUS 系法式家庭料理餐厅，以充满绿色植物田园风设计而闻名，楼底极高加上以天井採光，使店内用餐气氛令人感觉舒适又温馨。味道获得当地人一致好评嘅甜品系「Berry Berry 芭菲」，以清新酸甜士多啤梨加上口味浓郁嘅 cheesecake 雪糕制成。另外，跟北海道牛奶味雪糕完美融合嘅苹果合桃芭菲，以及甜香四溢嘅忌廉布甸亦系相当推荐嘅人气甜品。

FAbULOUS（ファビュラス）

地址：北海道札幌市中央区南1条东2-3-1 ＮＫＣビル 1F

电话：+81 (0)50 5571 2358

营业时间：8am – 11pm（L.O. 10:30pm）

交通：札幌市营地下铁东西线バスセンター（Bus Centre）站 3 号出口徒步约 1 分钟

网址：www.rounduptrading.com

03｜先叹人气咖哩！饭后滴滴金特色甜品

虽然 Ouchi 主打系以 20 多种香料制作而成嘅北海道名物汤咖喱，但做甜品都一样咁出色。特色甜品有原只小铸铁锅上桌嘅「白玉黄豆粉和风芭菲」及以滴滴金烟花装饰嘅精选「Special Sweet」，好睇又好食！

ouchi（おうち）

地址：北海道札幌市中央区南三条西 7-7-26

电话：+81 (0)11 261 6886

营业时间： 11:30am – 23pm（L.O. 10pm），星期日及假期11:30am – 20pm（L.O. 7:30pm）

交通：札幌市营地下铁大通站或豊水薄野（すすきの）站徒步约 5 分钟，狸小路 7 丁目转入；或由西 8 丁目站徒步约 1 分钟

网址：www.mamma-cr.com/ouchi

【不做灰姑娘！午夜后继续营的深宵甜品】

一大班人去饮嘢食甜品开心吹水倾到一半，如果店家好快打烊要赶住走又的确好扫兴，接住介绍几间深夜甜品屋营业时间都超过 12 点，大家可以倾个尽兴，齐齐谢绝做个灰姑娘！

04｜札幌最高！雪芭+雪糕芭菲咩滋味？

HASSO azzurro 系目前札幌评价最高嘅深夜甜品屋，提供多种适合大人口味嘅意大利雪糕芭菲及甜品，件件摆盘都好似艺术品一样。同一般芭菲唔同，HASSO甜品较少 cream，有部分会混入雪芭，令整体口感较 light，唔嗜甜嘅朋友都会喜欢。加上每月会创作新款式，吸引大量回头客。超高人气令 HASSO 经常满座，建议大家去之前预约留座。

HASSO azzurro（ハッソウアズーロ）

地址：北海道札幌市中央区南 2 条西 5-31-4 SCALETTAビル 3F

电话：+81 (0)11 231 7778

营业时间：4pm – 1am（L.O. 12:30am）

交通：札幌市电西 4 丁目站徒步约 2 分钟

网址：HASSODlceteriaHokkaido

05｜口味独特芭菲专门店

Parfaiteria PaL 顾名思义系芭菲专门店，芭菲款式及口味配搭非常丰富，独特口味包括「茉莉花Tiramisu芭菲」、「士多啤梨蓝芝士芭菲」、「大吟酿和梨芭菲」等等，卖相款款华丽又可爱，摆明狙击少女心！店内有多种酒品提供，客人可轻松享受美酒与甜品嘅幸福晚上。

Parfaiteria PaL (パフェテリアパル）

地址：北海道札幌市中央区南4条西2丁目10-1 南4西2ビル 6F

电话：+81 (0)11 200 0559

营业时间：6pm – 2am（L.O. 1:30am）

交通：札幌市营地下铁南北线薄野（すすきの）站徒步约3分钟、豊水薄野（豊水すすきの）站徒步约 1 分钟

网址：www.risotteria-gaku.net

06｜人气酒吧品酒叹甜品

「芭菲、咖啡、酒、佐藤」系一间 2016 年成立嘅人气酒吧，位于札幌市中央区狸小路后面小巷，呢区有唔少时尚酒吧，芭菲 Menu 好简单，有四种：芒果朱古力芭菲、盐焦糖开心果芭菲、季节水果芭菲及甜豆焙茶芭菲，亦会有期间限定口味芭菲。全杯芭菲由雪糕、mousse、啫喱，以至装饰用烘焙食品，店家都坚持手工制作，非常认真！既平静又治癒嘅空间，加上咖啡、酒、甜品三大令人放松饮食元素，令日间疲倦都一扫而空，相当受当地上班族欢迎。（图：mami_kari@IG）

パフェ、珈琲、酒『佐藤』(芭菲、咖啡、酒、佐藤)

地址：北海道札幌市中央区南 2 条西 1-6-1 第 3 広和ビル 1F

电话：+81 (0)11 233 3007（不可预约）

营业时间：星期二至四 6pm-12mn（L.O. 11:30pm），星期五 6pm – 2am（L.O. 1:30am），星期六 1am – 4pm（L.O. 3:30pm）、6pm – 2am（L.O. 1:30am），星期日　1pm – 4pm（L.O. 3:30pm）、6pm – 12mn（L.O. 11:30pm），逢星期一休息

交通：札幌市营地下铁大通站或豊水薄野（豊水すすきの）站徒步约 2 分钟，狸小路 1 丁目转入

网址：www.pf-sato.com